膝痛
物理治療推薦及客人好評
精準診斷好幫到我！
我之前係旅行中扭到膝頭，係外國睇過當地醫生，同埋返到香港睇過普通科醫生都認為係拉到條筋腱，但食左一排消炎藥後，膝頭都係好似成日kick住，活動唔順暢。
有朋友話搵張醫師睇過膝頭好專業，於是來到求診。佢同其他醫生好唔同，好有耐性，用左差唔多20分鐘時間幫我詳細問症檢查，最終懷疑我係後十字韌帶撕裂導致小腿骨平台唔穩，叫我去睇骨科照MRI，照左後果然證實佢既診斷係啱既。
而家我已經做完韌帶手術，係張醫師診所度進行緊復康治療，進展好快好順利，好多謝佢既精確診斷救左我隻膝頭。
我一向鍾意做運動，睇Richard張醫師已經好多年，各種傷患都係靠佢幫我快速治癒。屋企長者有退化症，搵張醫師幫佢，都有好大進步。
近期我跑山密咗，膝頭係前所未有咁痛，連行路都拐下拐下。經張醫師診治後，我好快已康復並可重新運動返，張醫師睇症好詳細，風趣幽默得來又解釋得好清楚，更會教好多運動返去自己保養，話希望我唔駛搵佢咁多wor。
佢真係一個值得推薦既超好治療師。^_^
膝痛好快好
我自己鍾意長跑，但跑大概3k左右就會右膝前邊痛，跑完仲會腫。
好幾個跑友既運動損傷都睇開張醫師，所以都介紹左俾我。
張醫師用簡單幾個檢查已經知道我幾年前十字韌帶手術後康復得唔好，同埋腰部以下肌肉都失衡得好緊要。即刻幫我安排左治療和特別運動康復方案。
跟住張醫師既指示，只係治療左一個月左右，我已經可以跑到8k都未有膝痛了，作為一個熱愛長跑既人真係好感激佢既幫助。
張醫師對病因既解釋好專業同埋清楚，知道我既擔憂會安慰我，俾我感到無壓力好放心交俾佢。佢對其他患者亦有心，我見到有行動不便既老人家來治療，佢仲會幫手一齊扶老人家入房，強烈推薦。
媽媽行平路都膝痛，照X光發現關節退化，骨科醫生話試下做物理治療，好唔到就要開刀。。。朋友介紹以心嘅張醫師好好，所以都帶媽媽來睇下。張醫師真係好詳細，對住X光，問症檢查都用咗超過15分鐘，最後他鼓勵媽媽只要堅持治療，返屋企做運動係好大機會可以避免開刀嘅。媽媽跟住佢嘅方案一路治療，真係慢慢越行越好。張醫師知道媽媽好擔心，仲提供自己嘅whatsapp俾媽媽問問題溝通，呢個係我從未見過嘅。真心推薦佢。